Геополитик ба төв банкууд зах зээлийг тодорхойлсон долоо хоног болж өнгөрлөө.
(2026.03.16 – 2026.03.22)

2026 оны 3-р сарын гурав дахь долоо хоногт дэлхийн санхүүгийн зах зээл геополитикийн эрсдэл, нефтийн үнийн хэлбэлзэл болон төв банкуудын бодлогын шийдвэрүүдийн огтлолцлын нөлөөгөөр өндөр савлагаатай, чиглэл тодорхой бус хөдөлгөөн давамгайлсан долоо хоног болж өнгөрөв. Ялангуяа Ойрхи Дорнод дахь нөхцөл байдал нефтийн зах зээлээр дамжин инфляцын хүлээлт болон мөнгөний бодлогын чиглэлийг тодорхойлох гол хүчин зүйл хэвээр байлаа.

Геополитик ба нефтийн зах зээл

Ойрхи Дорнод дахь хурцадмал байдал үргэлжилсэн нь нефтийн нийлүүлэлтийн эрсдэлийг нэмэгдүүлж, долоо хоногийн эхэнд газрын тосны үнэ өндөр түвшинд хадгалагдах нөхцөлийг бүрдүүлэв.

• Brent crude: ~$100 → $118 орчимд хэлбэлзэв.

Энэхүү савлагаа нь инфляцын хүлээлтийг тогтворгүй болгож, зах зээлийн “risk sentiment”-ийг өөрчилсөн гол хүчин зүйл байлаа.

FOMC: Бодлогын хүү хэвээр ч зах зээл савлав.

2026 оны 3-р сарын 18-ны FOMC хурлаар Холбооны Нөөцийн Сан бодлогын хүүгээ 3.50%–3.75% түвшинд хэвээр хадгалсан хэдий ч зах зээлд хамгийн их нөлөөлсөн нь мэдэгдлийн өнгө аяс байв. “Higher for longer” хандлага хадгалагдсан бол Инфляцын эрсдэл (ялангуяа нефтийн үнийн өсөлтөөс шалтгаалсан) дахин нэмэгдэв.

Үүний үр дүнд:

• US Dollar Index (DXY): ~99.5 → 100.2 (+1.2%)
• АНУ-ын 10 жилийн өгөөж: ~4.10% → 4.32% хүртэл өсөв Энэ нь ам.долларын богино хугацааны бэхжилтийг дэмжив.

🪙 Алтны зах зээл: Эсрэг хүчин зүйлсийн дунд

Алтны ханш геополитикийн эрсдэл болон бодлогын хүүгийн хүлээлтийн хооронд хавчигдсан хөдөлгөөн үзүүлэв. Долоо хоногийн эхэнд safe-haven эрэлтээр өссөн бол харин өгөөж өсөхийн хэрээр дарамтад орсон.

XAUUSD:

• Нээлт: ~$4,980
• Хаалт: ~$4,500→ ~9–10% уналт

Бодит өгөөжийн өсөлт (real yield) алтны өсөлтийг хязгаарласан нь гол шалтгаан байв.

💡 Дүгнэлт:

Геополитикийн эрсдэл, нефтийн үнийн савлагаа болон төв банкуудын бодлогын тодорхойгүй байдал зэрэг хүчин зүйлсийн огтлолцол нь зах зээлийг чиглэлгүй, өндөр хэлбэлзэлтэй байдалд хүргэж, ам.долларын бэхжилтийг дэмжин, алт болон эрсдэлтэй хослолуудыг дарамталсан долоо хоног болж өнгөрлөө.